Onion price Rise 33 % in last 18 Days

દેશમાં ડુંગળીનાં ભાવમાં ડિસેમ્બરમાં ૩૩ ટકાનો વધારો

-કમોસમી વરસાદથી પાકને અસર થતા સારી ક્વોલિટીમાં ભાવ ઊંચકાયાં

બટાટાનાં ભાવ ઘટી રહ્યાં છે, પરંતુ ડુંગળીનાં ભાવમાં ફરી તેજીનો માહોલ જોવા મળી રહ્યો છે. દેશમાં ડુંગળી ઉત્પાદક વિસ્તારમાં કમોસમી વરસાદ અને શિયાળુ વાવેતર ઓછા થવાને પગલે ડુંગળીનાં ભાવ ચાલુ મહિનામાં અત્યાર સુધીમાં ગુજરાતમાં ૩૩ ટકા અને મહારાષ્ટ્રમાં ૨૭ ટકાનો ઉછાળો આવ્યો છે.

ગુજરાતમાં ડુંગળીનાં ઘર ગણાતા મહુવામાં પહેલી ડિસેમ્બરે ડુંગળીનાં ભાવ ૨૦ કિલોનાં રૃા.૧૨૦-૩૦૦નાં હતા, જે આજે (૧૮ ડિસે.) વધીને રૃા.૨૫૧-૩૭૮ની ઊંચી સપાટીએ પહોંચી ગયાં છે. મહારાષ્ટ્રમાં પણ એશિયાની સૌથી મોટી મંડી લાસણગાંવમાં ડુંગળીનાં ભાવ આજ સમયગાળામાં પ્રતિ ક્વિન્ટલ રૃા.૧૩૭૫થી વધીને રૃા.૧૭૫૦ની ઊંચાઈએ પહોંચ્યાં છે. નવી દિલ્હીમાં પણ ૨૫ ટકાનો વધારો થયો છે.

નેશનલ હોર્ટીકલ્ચરલ રિસર્ચ ડેવલપમેન્ટ ફાઉન્ડેશનનાં ડિરેકટર આર.પી.ગુપ્તાએ જણાવ્યું હતું કે આ ટૂંકાગાળાનો વધારો છે. કમોસમી વરસાદને કારણે કાપણીમાં અસર પહોંચી હોવાથી ભાવ વધ્યાં છે. ખેતરમાં ભેજનું પ્રમાણ ઘટતા અને આવકો વધતા એકાદ સપ્તાહમાં ભાવ ફરી ઘટે તેવી ધારણાં છે.

મહુવાનાં ડુંગળીનાં અગ્રણી ટ્રેડર સંજયભાઈ દોશીએ જણાવ્યું હતું કે મહારાષ્ટ્ર-રાજસ્થાનમાં તાજેતરમાં પડેલા વરસાદથી ગુજરાતની માંગ નીકળી છે. પરિણામે ભાવ ઊંચકાયા છે. વર્તમાન સ્થિતિ જોતા હવે મણદીઠ રૃા.૩૦૦ની નીચે બજાર જાય તેવું લાગતું નથી. વળી હાલની ડુંગળીનું આયુષ્ય ૧૫થી ૨૦ દિવસનું જ હોય છે, ત્યાર બાદ તે ઊગી જાય છે.

તેમણે ગુજરાતનાં પાકની સ્થિતિ વિશે કહ્યું કે હાલ થોડો નબળો માલ આવી રહ્યો છે, ખેડૂતો પાક તૈયાર થાય તે પહેલા જ વેચાણ કરે છે, પરંતુ તાજેતરમાં પડેલી ઠંડીને કારણે આગામી દિવસોમાં આવકો થશે તે સારી ક્વોલિટીનો રહેશે. ચાલુ વર્ષે ઉતારા પણ ઓછા છે, પરિણામે ભાવ ઘટે તેવું લાગતું નથી.

World Wheat price Rise 7 Month high due to Russia Export Ristcriction

રશિયાએ નિકાસ ઉપર નિયંત્રણો લાદતા વૈશ્વિક ઘઉં સાત માસની ટોચે

રશિયાએ ભારત સહિતનાં ચાર દેશો સિવાય ઘઉંનો નિકાસ પ્રતિબંધ મૂક્યો

વૈશ્વિક ઘઉંમાં ફરી તેજીનો માહોલ જોવા મળ્યો છે. રશિયન ઈકોનોમીમાં મંદી અને વધી રહેલા ફુગાવાનો નિયંત્રણમાં રાખવા માટે તેણે ઘઉંની નિકાસ ઉપર નિયંત્રણો લાદ્યા છે, જેને કારણે વિશ્વ બજારમાં ઘઉંનાં ભાવ વધીને સાત મહિનાની ઊંચી સપાટીએ પહોંચ્યાં હતાં. બજારનો અંડરટોન હજુ પણ મજબૂત છે અને તેનાંથી ભારતને પણ ફાયદો થાય તેવી સંભાવનાં છે.

રશિયાનાં નેશનલ એસોસિયેશન ઓફ એક્સપોર્ટ ઓફ એગ્રીકલ્ચરલ પ્રોડક્ટ ગ્રૂપે જણાવ્યું હતું કે સરકારે માત્ર ઈજિપ્ત, તુર્કિ, ભારત અને આર્મેન્યિા એમ ચાર જ દેશમાં ઘઉંની નિકાસ માટેની છૂટ આપી છે, એ સિવાયનાં દેશોમાં નિકાસ સર્ટિફીકેટ ઈશ્યૂ કરવાનાં બંધ કર્યાં છે. રશિયા સામાન્ય રીતે ૧૨થી વધુ દેશોમાં નિકાસ કરે છે, પરંતુ હવે માત્ર ચાર દેશમાં જ નિકાસ શક્ય બનશે. રશિયા વિશ્વમાં ઘઉંની નિકાસ કરતો ટોચનાં નિકાસકાર દેશોમાંનો એક છે.

રશિયાનાં નિર્ણય સામે ત્યાંનાં નિકાસકારોએ સરકારને પત્ર લખ્યો છેકે આ નિર્ણયથી વિશ્વ બજારમાં રશિયાની છાપ ખરાબ ઊભી થશે. જે જૂના સોદા થયા છે તે પણ રદ થશે.

રશિયાનાં નિર્ણયને પગલે શિકાગો ઘઉં વાયદો ૨૫.૨૫ સેન્ટ વધીને ૬.૪૮ ડોલરની ઊંચી સપાટીએ પહોંચ્યાં હતાં. જે સાત મહિનાની સૌથી ઊંચી સપાટી બતાવે છે. રશિયાના નિકાસ નિયંત્રણોથી અમેરિકાની ઘઉંની નિકાસ વધે તેવી સંભાવનાં છે.

ભારતમાં પણ ઘઉંનાં ભાવ છેલ્લા ઘણા સમયથી સ્થિર છે અને નિકાસ વેપારો ખાસ થતા નથી, પરંતુ આગામી દિવસોમાં નિકાસવેપારો ખુલે તેવી સંભાવનાં છે. રશિયાનાં પ્રતિબંધથી વૈશ્વિક ઘઉંનાં ભાવ વધુ ઊંચકાય શકે છે.

માર્કેટએજનાં એનાલિસ્ટ માર્ક માર્ટીનનું કહેવું છેકે રશિયાનાં નિર્ણયને પગલે વૈશ્વિક ઘઉંનાં ભાવ વધીને આગામી ૧૨ મહિનામાં ૩૦૦ ડોલર પ્રતિ ટનની સપાટીએ પહોંચી શકે છે. જે હાલમાં ૨૫૦ ડોલર આસપાસ ચાલે છે. રશિયાની સાથે યૂક્રેન સહિતનાં કાળા સમુદ્રનાં દેશોમાં જો સિઝનને અંતે ઉત્પાદન ઓછું થાય તો ભાવ વધુ વધે તેવી પણ સંભાવનાં છે.

Gujarat Ravi Sowing 15 December 2014

સૌરાષ્ટ્રમાં રવિ વાવેતરમાં ૫૦ ટકાનો ઘટાડો

-પાણીનાં અભાવે રાજ્યમાં ઘઉંનું ૩૫ ટકા, જીરૃનું ૪૪ ટકા ઘટ્યું

-ઠંડી પડવાની શરૃ થતા પંદર દિવસમાં વાવેતર વધે તેવી ધારણાં

ગુજરાતમાં ખરીફ સિઝનમાં ખેડૂતોને ઉત્પાદન અને ભાવની બાબતમાં માર પડ્યાં બાદ રવિ સિઝનમાં પણ મોટો ફટકો પડે તેવા એંધાણ દેખાય રહ્યાં છે. ખાસ કરીને સૌરાષ્ટ્રમાં ચાલુ વર્ષે રવિ વાવેતર વિસ્તારમાં ૫૦ ટકાનો ઘટાડો નોંધાયો છે. સમગ્ર ગુજરાતમાં ૩૦ ટકાનો ઘટાડો જોવા મળ્યો છે.

ગુજરાત સરકારનાં સત્તાવાર આંકડાઓ પ્રમાણે સૌરાષ્ટ્રમાં ૧૫મી ડિસેમ્બર સુધીમાં કુલ ૫.૬૬ લાખ હેકટરમાં વાવેતર થયું છે, જે ગત વર્ષે ૧૧.૨૫ લાખ હેકટરમાં થયું હતું. કચ્છમાં પણ વાવેતર બાવન ટકા ઘટ્યું છે. ખાસ કરીને સૌરાષ્ટ્રમાં ઘઉંનાં વાવેતર વિસ્તારમાં ૬૦ ટકાનો ઘટાડો જોવા મળ્યો છે.

ગુજરાતનાં નાયબ કૃષિ નિયામક ડો.એચ.એમ.બાબરીયાએ જણાવ્યું હતું કે ઠંડી પડવાની હવે શરૃ થતા હજુ પંદર દિવસમાં વાવેતર વધે તેવી ધારણાં છે. અત્યારે ઊભા પાકોની સ્થિતિ ખૂબ જ સારી છે અને નવા વાવેતર માટે પણ અત્યારે ફર્સ્ટ ક્લાસ વાતાવરણ છે.

જૂનાગઢ અને નવસારી કૃષિ યુનિ.નાં ઉપકુલપતિ ડો.એ.આર.પાઠકે જણાવ્યું હતું કે ચાલુ વર્ષે પાણીની મોટી સમસ્યા હોવાથી વાવેતર વિસ્તારમાં ઘટાડો થયો છે અને સમગ્ર સિઝન દરમિયાન પણ ઘટાડો જોવા મળશે.

Premium quality tea Shortage

પ્રીમિયમ ક્વોલિટીની ચાની મોટી અછત  ભાવ વધુ ઊંચકાય તેવી ધારણાં

-આસામની પ્રીમિયમ ક્વોલિટીની ચામાં કિલોએ રૃા.૧૦થી ૨૦નો વધારો

દેશમાં પ્રતિકૂળ હવામાનને કારણે ચાલુ વર્ષે સારી ક્વોલિટીની ચા ઓછી ઉત્પાદિત થઈ હોવાથી સરેરાશ ચા બજારમાં વર્ષાંતે મજબૂતાઈનો માહોલ જોવા મળી રહ્યો છે. ગુજરાતનાં ચાનાં અગ્રણી ટ્રેડરોનું કહેવું છેકે અત્યારે સારી ક્વોલિટીની ચાની મોટી અછત જોવા મળી રહી હોવાથી તેમાં ભાવ ઊંચકાય તેવી સંભાવનાં છે.

ગુજરાત ટી ટ્રેડર્સ એસોસિયેશનનાં ભૂતપૂર્વ પ્રમુખ સેંધાભાઈ પટેલે જણાવ્યું હતું કે સારી ક્વોલિટીની ચામાં કિલોએ રૃા.૧૦નો વધારો થયો છે. આસામની પ્રીમિયમ ક્વોલિટીની ચા કહેવાય તેની અત્યારે મોટી અછત જોવા મળી રહી છે. નબળી ક્વોલિટીની ચા જોઈએ એટલી માત્રામાં મળે છે. અત્યારે ચાનાં મોટા ભાગનાં બગીચાઓ બંધ થઈ ગયાં છે અને ઓક્ટોબરમાં ઉત્પાદિત થતી ઓટમની ચાની અત્યારે માંગ વધારે છે, પરંતુ આ ચા મળતી નથી.

રાજકોટનાં અગ્રણી ટ્રેડર એવા જીતુભાઈ ચાવાળાએ જણાવ્યું હતું કે ચાની સીઝન પૂરી થઈ ગઈ છે અને નવી સિઝન હવે ચાર-પાંચ મહિના પછી શરૃ થશે. પરિણામે અત્યારે સારી ક્વોલિટીની ચાની ખૂબ જ શોર્ટેજ છે. સારી ચા વેચનાર એક પાસ છે, પરંતુ સામે ખરીદનાર પાંચ છે, પરિણામે તેમાં ભાવ ઊંચકાયા છે. સરેરાશ કિલોએ રૃા.૨૦નો વધારો થયો છે.

સૌરાષ્ટ્રમાં એવરેજ લુઝમાં સારી ક્વોલિટીની ચામાં કિલોનાં રૃા.૨૦૦થી ઉપરનાં ભાવ ચાલે છે. બ્રાન્ડવાળાની ચા રૃા.૩૦૦ સુધીમાં મળે છે. નબળી લૂઝ ચામાં રૃા.૧૦૦થી લઈને રૃા.૧૫૦ સુધીનાં ભાવ છે. ઓક્શનનાંભાવ રૃા.૧૦૦ની અંદર ચાલે છે.

Crude Effect on Saurashtra Engineering Ind.

Crude bear market negative impact on Saurashtra engineering ind. Crude Price down 46% since 20 june, 2014 but no price cut on domestic petroleum product.

India's November Edible Oil import Down 6.58% compare to Oct.14

The Solvent Extractors' Association of India has compiled the Import data of Vegetable Oils (edible & non-edible) for the month of November 2014. Import of vegetable oils during November 2014 is reported at 1,189,934 tonnes compared to 944,309 tonnes in November 2013, consisting of 1,149,131 tonnes of edible oils and 40,803 tonnes of non-edible oils i.e. up by 26%. but Compare to oct.14 import down 6.58%.

In last two months, due to Nil export duty on palm products by Indonesia and Malaysia, lowest prices of palm products in last 5 years and reduced demand of CPO for bio diesel, pushed the export of palm products to India to reduce burgeoning stock held by the exporting countries. Also, due to high prices of soybean and lesser realization for oil and soybean meal in export market, resulted in lower crushing and availability of domestic oil coupled with anticipated increase in import duty by the Indian Government, raised the import during November 2014 to a record level compared to November 2013 & November 2012.

Gujarat Ravi Sowing 8 December 2014