Coriander Give's Highest Returns in 2014 and crude give lowest Return

કોમોડિટીમાં ૨૦૧૪માં રિટર્ન આપવામાં ધાણા ટોચ પર, ક્રૂડ તળિયે

-ધાણામાં રેકર્ડબ્રેક ૫૬ ટકા, એલચી ૪૪ ટકા વધી, જ્યારે ક્રૂડતેલમાં ૪૫ ટકાનો કડાકો

Top-5 Commodity in 2014

૨૦૧૪નાં વર્ષનો આજે અંતિમ દિવસ છે. ભારતીય કોમોડિટી વાયદા બજારમાં ૨૦૧૪નાં વર્ષમાં રોકાણકારોને ધાણાએ માલામાલ કરીદીધા છે, પરંતુ ક્રૂડતેલે ધોય નાખ્યાં છે.ધાણામાં વર્ષ દરમિયાન ૫૬ ટકાનો ઉછાળો આવ્યો છે, જ્યારે ક્રૂડતેલમાં ૪૫ ટકાનો ઘટાડો જોવા મળ્યો છે.

એગ્રી વાયદામાં પણ સૌથી વધુ નેગેટિવ રિટર્ન કપાસ-રૃ વાયદાએ આપ્યું છે. રૃનાં ભાવ વર્ષ દરમિયાન ૨૦ ટકા તુટી ગયાં છે. સોના-ચાંદીનાં ભાવમાં વર્ષ દરમિયાન ઘરઆંગણે અનુક્રમે ૫.૬૭ ટકા અને ૧૭.૧૫ ટકાનો ઘટાડો થયો છે. વૈશ્વિક બજારમાં સોનાનાં ભાવ વર્ષ દરમિયાન ૧.૪૦ ટકા ઘટ્યાં છે, જ્યારે ચાંદીમાં ૧૯.૦૮ ટકાનો ઘટાડો થયો છે.

એનાલિસ્ટોનું કહેવું છેકે ૨૦૧૫માં એગ્રી કોમોડિટીમાં સરેરાશ મજબૂતાઈનો માહોલ જોવા મળી શકે છે. ધાણાએ છેલ્લા બે વર્ષ પોઝિટીવ વળતર આપ્યું છે. ધાણામાં ૨૦૧૩માં ૪૬ ટકા અને ૨૦૧૪માં ૫૬ ટકાનો ઉછાળો આવ્યો છે, પરંતુ ૨૦૧૫માં ૫૦ ટકાનો ઘટાડો બતાવે તેવી પૂરી સંભાવનાં છે. ધાણા બે વર્ષમાં રૃા.૫૦૦૦થી વધીને રૃા.૧૨,૦૦૦ થયા છે, પરંતુ ૨૦૧૫માં તે રૃા.૬૦૦૦ કે તેનાંથી પણ નીચે જઈ શકે છે. સોના-ચાંદીમાં હજુ પણ સરેરાશ મામૂલી રિટર્ન કે નેગેટિવ વળતરની સંભાવનાં છે.

(Date 30 Dec.2014)

Brent crude price at lowest level in 5½ years

ક્રૂડમાં વર્ષાંતે મંદી , ભાવ સાડા પાંચ વર્ષનાં તળિયે 

-બ્રેન્ટ ક્રૂડતેલ વાયદો ઘટીને ૫૬ ડોલરની નજીક, અમેરિકામાં ક્રૂડનો સ્ટોક ત્રણ દાયકાની ટોચે પહોંચતા મંદી વકરી

ક્રૂડતેલમાં વર્ષાંતે મંદી વધુ વકરી છે. અમેરિકામાં ક્રૂડતેલનો સ્ટોક ત્રણ દાયકાની ટોચે પહોંચવાની ધારણાએ વૈશ્વિક બજારમાં ક્રૂડતેલનાં ભાવ ઘટીને સાડા પાંચ વર્ષનાં તળિયે પહોંચી ગયાં છે.  વળી ક્રૂડતેલમાં ચાલુ વર્ષે ૪૬ ટકાનાં ઘટાડા સાથે વર્ષ ૨૦૦૮ બાદનો સૌથી મોટો વાર્ષિક ઘટાડો પણ જોવા મળ્યો છે.

અમેરિકામાં ક્રૂડતેલનો સ્ટોક ગત સપ્તાહે ૩૮૭૨ લાખ બેરલનો રહ્યો હોવાનો અંદાજ છે, જે વર્ષ ૧૯૮૨ બાદનો સૌથી વધુ છે. સત્તાવાર સરકારી આંકડાઓ બુધવારે જાહેર થશે. અમેરિકામાં ઉત્પાદન વધવાની સાથે વિશ્વમાં હાલ દૈનિક ૨૦ લાખ બેરલ સરપ્લસ સ્ટોક રહે છે, જેને કારણે મંદી વધુ વકરે તેવી પણ સંભાવનાં રહેલી છે.

અમેરિકામાં સ્ટોક વધવાનાં સમાચાર પાછળ નાયમેક્સ વાયદો આજે ઘટીને ૫૨.૭૦ ડોલરની સપાટી પર પહોંચ્યો હતો, જે મે ૨૦૦૯ બાદની સૌથી નીચી સપાટી છે. જ્યારે બ્રેન્ટ ક્રૂડતેલ ૫૬.૭૪ ડોલરની સપાટી પર છે. નાયમેક્સ સામે પ્રીમિયમ ૪ ડોલર ચાલી રહ્યું છે.

દેશમાં પેટ્રોલ-ડીઝલનાં ભાવ ફરી ઘટી શકે

વૈશ્વિક બજારમાં ક્રૂડતેલનાં ભાવમાં ઘટાડાને પગલે સ્થાનિક બજારમાં પણ નવા વર્ષે પેટ્રોલ અને ડીઝલનાં ભાવમાં ઘટાડાની જાહેરાત થાય તેવી સંભાવનાં છે. કેન્દ્ર સરકાર દ્વારા ઈંધણ ઉપરની એક્સાઈઝ ડ્યૂટી જો વધારવામાં નહીં આવે તો પહેલી જાન્યુઆરીથી ભાવ ઘટે તેવી પૂરી સંભાવનાં દેખાય રહી છે. દેશની ક્રૂડતેલની આયાતનાં બાસ્કેટ ભાવ ૨૯મી ડિસેમ્બરે ૫૬.૨૬ ડોલર પહોંચ્યાં છે, જે ૧૧મી ડિસેમ્બરે પૂરા થતા પખવાડિયામાં ૬૭.૨૪ ડોલર હતાં. આમ ભારતનાં આયાત ભાવ ૧૧ ડોલર ઘટ્યાં હોવાથી પેટ્રોલ-ડીઝલનાં ભાવ પણ ઘટે તેવી સંભાવનાં છે.

(Date 30 Dec.2014)

World Rubber price Rise, Price Rise 22% in last 3 month

વૈશ્વિક રબ્બરમાં તેજીનો તબક્કો શરૃ ઃ ભાવ ત્રણ માસમાં ૨૨ ટકા વધ્યાં

-મલેશિયા અને  થાઈલેન્ડમાં પૂરને કારણે રબ્બરનાં પૂરવઠામાં વિક્ષેપ પડતા ટોક્યો વાયદો ચાર ટકા ઊંચકાયો

વૈશ્વિક રબ્બર બજારમાં તેજીનો તબક્કો હવે શરૃ થઈ ગયો છે. મલેશિયા અને થાઈલેન્ડમાં છેલ્લા બે સપ્તાહથી પડી રહેલા વરસાદ અને દાયકાનાં સૌથી ખરાબ પૂરને કારણે ટોક્યો રબ્બર વાયદો આજે ચાર ટકા ઊંચકાયો હતો. આ સાથે વિશ્વ બજાર માટે બેન્ચમાર્ક એવા ટોક્યો વાયદામાં ભાવ  ઓક્ટોબરમાં પાંચ વર્ષની નીચી સપાટીએ પહોંચ્યાં હતાં, ત્યાંથી ૨૨ ટકાનો ઉછાળો આવ્યો છે.

ટોક્યો કોમોડિટી એક્સચેન્જ ખાતે રબ્બર વાયદો ૩.૯ ટકા વધીને ૨૧૩.૩ યેન પ્રતિ કિલો (૧૭૭૩ ડોલર પ્રત ટિન) પહોંચ્યો હતો. જે પણ ૩ જુલાઈ બાદની સૌથી ઊંચી સપાટી હતી. ટોક્યો વાયદો ગત બીજી ઓક્ટોબરનાં રોજ ૧૭૫.૪ યેન હતો.

વિશ્વમાં થાઈલેન્ડ રબ્બરનો સૌથી મોટો નિકાસકાર દેશ છે અને મલેશિયા -ઈન્ડોનેશિયા પણ રબ્બરની થોડી નિકાસ રહી રહ્યું છે. બંને દેશોમાં પૂરની સ્થિતિને કારણે નિકાસકારો શિપમેન્ટ માટે નવો સમયગાળો માંગી રહ્યાં છે. રબ્બર એસોસિયેશન ઓફ ઈન્ડોનેશિયાએનાં ડિરેકટર રુસદમે જણાવ્યું હતું કે નિકાસકારો હવે બાયરો સાથે નિકાસ માટે નવો સમય માંગી રહ્યાં છે. વર્તમાન પૂરની સ્થિતિ જોતા રબ્બરનું ઉત્પાદન ૩૦ ટકા ઘટે તેવી ધારણાં છે. 

ઈન્ટરનેશનલ રબ્બર કોન્સોર્ટીયમનું કહેવું  છેકે થાઈલેન્ડ અને મલેશિયામાંથી આશરે એક લાખ ટન રબ્બરનાં સોદા એક મહિના માટે ડિલે થાય તેવું લાગી રહ્યું છે. રબ્બર વાયદો ડિસેમ્બર ક્વાર્ટરમાં ૧૬ ટકા વધ્યો છે, જે ૨૦૧૩ બાદનો સૌથી પહેલો સુધારો છે. થાઈલેન્ડ, ઈન્ડોનેશિયા અને મલેશિયાએ આગામી વર્ષે નિકાસ ઘટાડવાનું પણ નક્કી કર્યું છે.

(Date 30 Dec.2014)

FCI Wheat Tender open 1 Jan. in Gujarat

ગુજરાતમાં એફસીઆઈનું ઘઉંનું ૧ લાખ ટનનું ટેન્ડર પહેલી જાન્યુઆરીએ ખુલશે

-ગુજરાતમાં સતત ૨૦ ટેન્ડર નિષ્ફળ ગયા બાદ ૨૧માં ટેન્ડરમાં ૮ હજાર ટન ઘઉંનું વેચાણ થયું

ઘઉંની ખુલ્લા બજારમાં અછતથી ભાવ ઊંચકાતા હવે સરકારી માલોની માંગ વધે તેવી સંભાવનાં છે. ગુજરાતમાં સરકારી એજન્સી ફુડ કોર્પોરેશન ઓફ ઈન્ડિયા દ્વારા એક લાખ ટન ઘઉંનું ઈ-ઓક્શન પહેલી જાન્યુઆરી થઈ રહ્યું છે, જેમાં મોટો જથ્થો વેચાણ થાય તેવી સંભાવનાં છે.

એફસીઆઈ દ્વારા ગત ઓગસ્ટ મહિનામાં ઓપન માર્કેટ સેલ સ્કીમ જાહેર કરવામાં આવી હતી અને દર સપ્તાહે ઈ-ઓક્શન થતું હતું. ગુજરાતમાં સતત ૨૦ સપ્તાહ સુધી એક પણ બીડ ન આવ્યાં બાદ ગત સપ્તાહે યોજાયેલા ૨૧માં ઓક્શનમાં કુલ ૮ હજાર ટન ઘઉંનું વેચાણ થયું હતું.

ગુજરાત એફસીઆઈનાં એક અધિકારીએ જણાવ્યું હતું કે ગત સપ્તાહે યોજાયેલા ટેન્ડરમાં ૯ હજાર ટનની બીડ આવી હતી, જેમાંથી ૮ હજાર ટનની મંજૂરી આપી છે. જેમાં સરેરાશ રૃા.૧૬૫૧થી ૧૬૯૧નાં ભાવ ભરાયાં હતાં. હવે પહેલી જાન્યુઆરીનાં દિવસે એક લાખ ટનનું ટેન્ડર છે, જેમાં ૯૬ હજાર ટન વર્ષ ૨૦૧૩-૧૪ની સિઝનનાં અને ૪ હજાર ટન વર્ષ ૨૦૧૪-૧૫ની સિઝનનાં ઘઉં છે. 

એફસીઆઈ દ્વારા રાજ્યમાં કુલ ૧૪ સેન્ટરો માટે અલગ-અલગ જથ્થો ફાળવવામાં આવ્યો છે. રાજ્યમાં ઘઉંનાં બેઝ ભાવ જૂના ઘઉં માટે રૃા.૧૬૫૧થી ૧૭૧૦ છે જ્યારે નવા ઘઉંમાં રૃા.૭૦નું પ્રીમિયમ વસૂલવામાં આવે છે.

(Date 30 Dec.2014)

Call Auction may be start in Agri future market

એગ્રી વાયદામાં પણ સેટલમેન્ટ ભાવ માટે કોલ ઓક્શન આવશે

-એફએમસીએ સૂચનો માટે ડ્રાફ્ટ જાહેર કર્યો

એગ્રી કોમોડિટી વાયદામાં એક્સપાયરી બાદ ફાઈનલ સેટલમેન્ટ પ્રાઈસ માટે ફોરવર્ડ માર્કેટ કમિશન કોલ ઓક્શન શરૃ કરવાનું આયોજન ઘડી  રહી છે. એફએમસીએ આ અંગેનું ડિટેલ ડ્રાફ્ટ જાહેર કર્યો છે અને લોકો પાસેથી ૧૫મી જાન્યુઆરી સુધીમાં સૂચનો મંગાવ્યાં છે.

એગ્રી કોમોડિટી વાયદામાં હાલનાં સમયમાં સેટલમેન્ટ પ્રાઈઝ સ્પોટ બજારમાંથી લઈને પુલિંગ આધારે નક્કી કરવામાં આવે છે, પરંતુ ઘણી વાર તેમાં પારદર્શકતા અંગે ફરિયાદો આવે છે. સેટલમેન્ટ પ્રાઈઝમાં વધુ પારદર્શકતા આવે તે માટે  બજાર બંધ થવા સમયે ૨૦ મિનીટનું કોલ ઓક્શન શરૃ કરવામાં આવશે તેમ એફએમસીએ જણાવ્યું હતું.

કોલ ઓક્શન ૪.૪૦થી ૫ વાગ્યા દરમિયાન કરવામાં આવશે, જેમાં ૧૫ મિનીટ  ઓર્ડર એન્ટ્રી, મોડિફીકેશને અને કેન્સલનો સમય અને પાંચ મિનીટ મેચિંગ અને કર્ન્ફમેશનનો રહેશે. આ સિસ્ટમમાં છેલ્લા ત્રણ કોલ ઓક્શનનાં એવરેજ ભાવને સેટલમેન્ટ ભાવ તરીકે નક્કી કરવામાં આવી  શકે છે. ઓક્શનમાં પણ વાયદાની જેમ જ પ્રાઈસ બેન્ડ લાગુ પડશે અને એક્સચેન્જ દ્વારા ફરજિયાત ડિલીવરીનાં દિવસો દરમિયાન કે અન્ય નક્કી  કરેલા દિવસો દરમિયાન ઓક્શન શરૃ કરવામાં આવી શકે છે.

એફએમસીએ એવું જણાવ્યું છેકે કોલ ઓક્શન દરમિયાન બંને તરફીનાં ભાવ મેચ થાય તે જ ભાવ વેલિડ ગણાશે. એક્સચેન્જોએ પણ માર્ચ ૨૦૧૫ પછીનાં વાયદામાં કોલ ઓક્શન લાગુ કરી શકાય તે પ્રકારની સિસ્ટમ બનાવવા પણ સૂચના આપી છે. એફએમસીનાં ડ્રાફ્ટ ઉપર લોકો-સંસ્થાઓનાં જરૃરી સૂચનો આવ્યાં બાદ આખરી ગાઈડલાઈન્સ જાહેર કરશે.

ઉલ્લેખનીય છેકે તાજેતરમાં ધાણામાં સ્પોટ અને વાયદાનાં ભાવ અંગે મોટી ફરિયાદો એક્સચેન્જ સામે થઈ હતી. વળી એગ્રી વાયદામાં સેટલમેન્ટ પ્રાઈસ અને હાજર ભાવમાં પણ ઘણી વાર મોટો ફેરફાર હોવાની ફરિયાદો ઉઠી છે, જેને ધ્યાનમાં રાખીને એફએમસી પણ શેરબજારની જેમ કોલ-ઓક્શન શરૃ કરવા જઈ રહ્યું છે.

(Date 29 Dec.2014)

Jeera price rise 3rd and rise Rs.1700 in last 3 day's

જીરૂમાં તેજીની સર્કિટની હેટ્રીક , વાયદો ત્રણ દિવસમાં રૃા.૧૭૦૦ ઊંચકાયો

જીરૃ ફેબ્રુઆરી વાયદામાં ઊભા ઓળિયા પખવાડિયામાં ચાર ગણા વધ્યાં

જીરૃમાં વન-વે તેજી દોડી રહી છે. દેશમાં જીરૃનો પાક ઓછો અને નિકાસ વધવાની એક ચોટેલી કેસેટ પાછળ તેજીવાળા રોજ સર્કિટો લગાવી રહ્યાં છે. જાન્યુઆરી વાયદામાં ચાર ટકાની તેજીની સર્કિટની હેટ્રીક થઈ ગઈ છે અને ત્રણ સેસનમાં વાયદામાં રૃા.૧૭૦૦ની નોન-સ્ટોપ તેજી આવી છે. જીરૃનાં જાન્યુઆરી સિવાયનાં તમામ વાયદામાં પણ ચાર ટકાની સર્કિટ લાગી હતી.

જીરૃ વાયદો ત્રણ સેશન પહેલા રૃા.૧૩૯૮૦ની સપાટી પર બધ રહ્યો હતો, જે આજે સર્કિટ લાગતા રૃા.૬૦૦ વધીને રૃા.૧૫૬૮૦ની સપાટી પર બંધ રહ્યો હતો. ફેબ્રુઆરી વાયદો રૃા.૬૧૦ વધીને રૃા.૧૫૯૪૦ બંધ રહ્યો હતો. કુંવરજી કોમોડિટીનાં સિનીયર રિસર્ચ એનાલિસ્ટ દિલીપ પરમારનું કહેવું છે કે ભાવ વધીને રૃા.૧૭૦૦૦ની સપાટીએ પહોંચી શકે છે. રોકાણકારોએ રૃા.૧૪૭૦૦નો સ્ટોપલોસ રાખીને ઘટાડે ખરીદી કરવાનો વ્યૂહ અપનાવવો.

જીરૃમાં તેજીની સાથે ઊભાઓળિયા પણ વધી રહ્યાં છે. ટ્રેડરો જાન્યુઆરીમાંથી પોઝિશન ફેબ્રુઆરીમાં રોલઓવર પણ મોટા પાયે કરી રહ્યાં છે. જાન્યુઆરી વાયદામાં ૧૨ ડિસે. ૮૮૬૬ ટનનાં ઊભા ઓળિયા હતા, જે આજે ઘટીને ૬૫૦૦ થયાં છે. પરંતુ ફેબ્રુઆરી વાયદામાં ૧૨ ડિસેમ્બરે બે હજાર ટનનાં ઓળિયા હતા, જે આજે વધીને ૮ હજાર ટનની ઉપર પહોંચી ગયાં છે. ફેબ્રુઆરી કે માર્ચ વાયદામાં ભાવ વધીને રૃા.૨૦,૦૦૦ની સપાટીએ પણ પહોંચે તેવી ચર્ચા અત્યારે બજારમાં સેવાય રહી છે.

(Date 29 dec.2014)

Malaysia palm oil price rise due to Flood in malaysia

મલેશિયામાં પૂરથી પામતેલ વાયદામાં તેજીની સર્કિટ

-મલેશિયન પામતેલ વાયદો સતત ૮ દિવસ વધ્યો છે, જે ૨૦૧૦ બાદની સૌથી લાંબી રેલી

મલેશિયામાં છેલ્લા એક દાયકાનાં સૌથી ભારે વરસાદ અને પૂરને કારણે પામતેલ વાયદામાં આજે તેજીની સર્કિટ લાગી હતી. મલેશિયા વિશ્વમાં બીજા નંબરનો સૌથી મોટો પામતેલ ઉત્પાદક દેશ છે અને ત્યાં પૂરને કારણે ચાલુ મહિને ૧૧ ટકાથી વધુ ઉત્પાદન ઘટે તેવી ધારણાં છે. જેને પગલે આજે એમસીએક્સ પામતેલ વાયદામાં ચાર ટકાની ઉપલી સર્કિટ લાગી હતી.

મલેશિયન પામતેલ વાયદો પણ સતત આઠ સેશનથી વધી રહ્યો છે, જે ૨૦૧૦ બાદની સૌથી લાંબી રેલી છે. બેન્ચમાર્ક માર્ચ વાયદો આજે ૩૬ રિગિંટ વધીને ૨૨૮૬ રિગિંટની  સપાટી પર બંધ રહ્યો હતો, જે ૧૮મી ડિસેમ્બરે ૨૧૨૧ રિગિંટની નીચી સપાટીએ હતો.

એમસીએક્સ ડિેસમ્બર પામતેલ વાયદામાં આજે ચાર ટકાની ઉપલી સર્કિટ લાગી હતી અને ભાવ રૃા.૧૮ વધીને રૃા.૪૬૦.૫૦ની બંધ  સપાટી જોવા મળી હતી. જાન્યુઆરી વાયદો ઈન્ટ્રા ડે રૃા.૪૭૧ની સપાટીએ પહોંચ્યો હતો. 

મલેશિયામાં હજુ પણ થોડા દિવસ ભારે વરસાદ પડે તેવી સંભાવનાં છે, જેને કારણે પામતેલનાં ઉત્પાદનમાં મોટો વિક્ષેપ આવશે. પામ ટ્રીનાં ટ્રાન્સપોર્ટેશનમાં મોટી અસર થઈ છે, જેને કારણે સરેરાશ ભાવ ઊંચકાય તેવી ધારણાં છે. એનાલિસ્ટોનું કહેવું છે કે ભારતે આયાત ડ્યૂટી વધારી હોવાથી તેની માંગ ઘટશે, પરંતુ મલેશિયામાં પૂરની સ્થિતિને કારણે સરેરાશ બજાર વધે તેવી ધારણાં છે.

(Date 29 dec.2014)

Wheat price Rise

દેશમાં ઘઉંની અછતથી લાલચોળ તેજી

-મિલબર ઘઉંમાં ક્વિન્ટલે રૃા.૧૦૦થી વધુનો સુધારો,નવી સિઝન લેઈટ થવાને કારણે પાલાખાધ સર્જાતા વધુ તેજી થશે

દેશમાં ગત વર્ષે ઘઉંનું રેકર્ડબ્રેક વાવેતર થતા ચાલુ વર્ષે ઘઉંની મોટી અછત ઊભી થઈ છે. ઘઉંની અછતને પગલે છેલ્લા દશેક દિવસમાં જ ઘઉંનાં ભાવમાં ક્વિન્ટલે રૃા.૧૦૦થી વધુનો સુધારો જોવા મળ્યો છે. ગુજરાત  સહિત સમગ્ર દેશમાં ઘઉંની અત્યારે અછત ઊભી થઈ છે અને ફ્લોર મિલોને માલ મળવો મુશ્કેલ બન્યો છે. બીજી તરફ સરકારી ગોડાઉનમાં પહેલી ડિસેમ્બરે કુલ ૨૭૫ લાખ ટનનો સ્ટોક પડ્યો છે, જે પહેલી જાન્યુઆરી પ્રમાણે બફર સ્ટોકનાં નિયમ મુજબ ૮૨ લાખ ટનનો જ હોવો જોઈએ. આમ નિયમ કરતાં ત્રણ ગણો વધારે સ્ટોક છે.

ગુજરાત રોલર ફ્લોર મિલ એસોસિયેશનનાં પૂર્વ પ્રમુખ રમેશભાઈ શરાફે કહ્યું કે મિલોને અત્યારે માલ મળવો મુશ્કેલ બની ગયો છે. ઊંચા ભાવ આપવાથી પણ બધી મિલોને માલ મળતો નથી. પરિણામે ૭૦થી ૮૦ ટકા મિલો બંધ પડી છે. દેશમાં અત્યારે ઘઉંમાં છત્તે પાણીએ દુષ્કાળ છે, સરકાર પાસે પુષ્કળ  સ્ટોક પડ્યો છે, પરંતુ ખુલ્લા બજારમાં માલ મળતો નથી. સરકારને નીચા ભાવથી ઘઉંનું વેચાણ કરવું નથી, પરિણામે બજારમાં અછતની સાથે તેજી થઈ ગઈ છે.

રાજકોટનાં એક નિકાસકાર કમ ટ્રેડરે કહ્યું કે ઘઉંમાં માલ મળતો નથી. મોટા ભાગની કોર્પોરેટ કંપનીઓ પાસે પડેલો સ્ટોક પણ ખાલી થઈ ગયો છે. રશિયાએ નિયંત્રણો મૂક્યા બાદ ભારતીય ઘઉંની માંગ વધી છે અને નિકાસમાં ૨૮૫ ડોલર પહોંચનાં ભાવ બોલાય છે, જે છેલ્લા ૧૦ દિવસમાં ૧૫ ડોલર વધી ગયાં છે. નવો પાક ઓછામાં ઓછા એક મહિનો લેઈટ છે. દેશમાં ભલે વાવેતર ઓછું ઘટ્યું હોય, પરંતુ ગુજરાતમાં ૪૦ ટકા અને સૌરાષ્ટ્રમાં ૭૦ ટકા પાક ઓછો દેખાય છે. પરિણામે ભાવ હજુ પણ ઊંચકાશે.

હિંમતનગરનાં અગ્રણી ટ્રેડર ઝાકીરભાઈ પહાડાવાલાએ જણાવ્યું કે ગુજરાતની જેમ એમ.પી.માં પણ વાવેતર ઓછું છે. ઓલ ઈન્ડિયા ૩૦ ટકા ઉત્પાદન ઘટે તેવું લાગી રહ્યું છે. નવા ઘઉંને હજુ ત્રણ મહિનાની વાર છે. ૨૦ માર્ચ પહેલા મને નવા ઘઉંની આવક લાગતી નથી. પરિણામે બજારમાં પાલાખાધ સર્જાય છે. ઘઉંનાં ભાવ ચાલુ વર્ષે ૨૦ કિલોનાં વધીને રૃા.૫૦૦ની સપાટીએ પહોંચે તેવી પૂરી સંભાવનાં દેખાય રહી છે.

(Date 29 Dec.2014)

TMT steel price rise due change of Dia Differnce

ગુજરાતમાં ટીએમટી સ્ટીલમાં કૃત્રિમ તેજીનો તખ્તો તૈયાર

- બે સાઈઝ વચ્ચેનો ભાવ ફરક વધારીને ભાવ વધારો કરવાની તૈયારીમાં

-સ્ટીલનાં ભાવમાં ટને રૃા.૪૦૦થી ૮૦૦નો વધારો થશે

નવો ડાય ડિફરન્સ શું રહેશે?

બેઝ રેટ          ૨૦ એમ.એમ.

+રૃા.૩૦૦૦    ૮એમ.એમ.

+રૃા.૧૫૦૦    ૧૦એમ.એમ.

+રૃા.૮૦૦      ૧૨,૧૬,૨૫

+રૃા.૧૦૦૦    ૨૮,૩૨ એમ.એમ.ક્રૂડતેલ અને આર્યનઓરનાં ભાવમાં ઘટાડો થવાથી સ્ટીલનાં ભાવમાં પણ મંદીનો માહોલ જોવા મળી રહ્યો છે. સ્ટીલની મંદીને ટાળવા માટે ગુજરાતનાં ટીએમટી સ્ટીલ ઉત્પાદકો ભાવવધારવા માટેનો નવો તખ્તો તૈયાર કર્યો છે અને ટૂંક સમયમાં આડકતરી રીતે વપરાશકારો ઉપર ભાવવધારો કરવામાં આવે તેવી સંભાવનાં છે. નવા ડાય ડિફરન્સનાં માળખાનો પહેલી જાન્યુઆરીથી અમલ કરવાની જાહેરાત ગુજરાત રોલિંગ મિલ એસોસિયેશન દ્વારા  સર્વાનુમતે લેવામાં આવી છે.

સ્ટીલ સાથે સંકળાયનાં એક અગ્રણી ટ્રેડરે જણાવ્યું હતું કે ટીએમટી સ્ટીલમાં અત્યારે ગુજરાતની બજારમાં બેઝ ભાવ તરીકે ૨૦ એમ.એમ.ની સાઈઝ નક્કી કરવામાં આવી છે અને તેનાં આધારે અન્ય સાઈઝનાં ભાવ નક્કી થાય છે. વર્તમાન સમયમાં ૨૦ એમએમ અને અન્ય સાઈઝ વચ્ચેનો જે ભાવ ફરક છે તેમાં વધારો કરીને સ્ટીલ ઉત્પાદકો ભાવવધારો કરવાની તૈયારીમાં છે.

ટીએમટી સ્ટીલમાં અત્યારે સરેરાશ ૨૦ એમ.એમ.નાં રૃા.૪૧,૦૦૦ આસપાસનાં ભાવ ચાલી રહ્યાં છે. જેની સામે ૧૨,૧૬ અને ૨૫ એમ.એમ.ની સાઈઝનાં રૃા.૪૦૦ વધારે, ૧૦ અને ૩૨ એમ.એમ.માં રૃા.૧૦૦૦ વધારો અને ૮ એમ.એમ.ની સાઈઝમાં રૃા.૨૨૦૦ જેટલા ઊંચા ભાવ હોય છે. સ્ટીલ ઉત્પાદકો જાન્યુઆરી મહિનાથી ૨૦ એમ.એમ.નાં ભાવ એટલે કે મુળ ભાવ નહીં વધારે, પરંતુ બે સાઈઝ વચ્ચેનો બદલો છે તેમાં વધારો કરવાનું આયોજન ઘડી રહ્યાં છે. બજાર સૂત્રોનું કહેવું છેકે ગુજરાતનાં સ્ટીલ ઉત્પાદકો ૮ એમ.એમ. સાથેનો બદલો રૃા.૩૦૦૦ કરશે અને અન્ય સાઈઝમાં રૃા.૪૦૦થી વધુનો વધારો કરે તેવી સંભાવનાં છે. ટેકનિકલી ઉત્પાદકો ડાય ડિફરન્સ કરીને કમાણી કરવાનો નવો રસ્તો અપનાવી રહ્યાં છે.

સ્ટીલમાં આ ફેરફાર કરવાનું કારણ શું તે અંગે બજાર સૂત્રો કહે છે કે ઉત્પાદકો એવી દલીલ કરી રહ્યાં છે કે તેને નાની સાઈઝ બનાવવામાં પડતર વધારે બેસતી હોવાથી તે બેન્ચમાર્ક  સાઈઝ સામે બદલો વધારી રહ્યાં છે. જ્યારે વપરાશકારો અને ડિલરોનો મત એવો છેકે ઉત્પાદકોને ભાવવધારો જોઈએ, ક્રૂડતેલ અને આર્યનઓર ઘટતા ભાવ ઘટવા જોઈએ એવું માનસ હોવાથી સીધો ભાવવધારો કરવો પોસાય તેમ નથી.

ડાય ડિફરન્સનો અમલ થશે તો ડિલરો અને ઉત્પાદકોને સરવાળે નુકસાની

સ્ટીલ સેકટરનાં એક અગ્રણીનું કહેવું છેકે ગુજરાતની મિલો જો ડાય ડિફરન્સ વધારીને ભાવવધારો કરશે તો રાયપૂર અને જાલનાનાં માલો ગુજરાતમાં આવતા વધી જશે. વળી ડિલરોને છત્તે પાણીએ બીજા રાજ્યનો માલ વાપરવો પડશે. પરિસ્થિતિ એવી થશે કે ૨૦ એમ.એમ. સિવાયનાં માલો માટે ડિલરો મુળ બ્રાન્ડને બદલે બીજા રાજ્યની મિલોનું સ્ટીલ વાપરશે. સરવાળે ડિલરોની માથાકુટ વધશે અને રોલિંગ મિલોને પણ વેચાણમાં નુકસાની જઈ શકે છે. વળી અત્યારે ટાટા જેવી ટોચની બ્રાન્ડમાં પણ ૨૦ એમ.એમ. અને ૮ એમ.એમ.નો બદલો રૃા.૧૬૦૦ છે, જેની સામે સ્થાનિક બદલો પહેલાથી જ ઊંચો છે.
(Date 27 dec.2014)

Pulses price may be rise 5 to 15 % in 2015

નવા વર્ષે ચણા સહિતનાં કઠોળનાં ભાવ ૫થી ૧૫ ટકા વધવાની ધારણાં

-દેશમાં ખરીફ બાદ રવિ સિઝનમાં પણ વાવેતર ઘટતા ઉત્પાદન ઘટવાનો અંદાજ

ચણા સહિતનાં કઠોળ પાકોમાં અત્યારે એકધારી તેજી જોવા મળી રહી છે. દેશમાં ચાલુ વર્ષે વાવેતર ઓછું થત્તા ઉત્પાદન ઘટ્યું હોવાથી તેજી જોવા મળી રહી છે. જાણકારોનાં મતે નવા વર્ષે ૨૦૧૫માં પણ ચણા સહિતનાં કઠોળ પાકોમાં પાંચથી ૧૫ ટકાનો વધારો થાય તેવી ધારણાં છે.

ઈન્ડિયન પલ્સીસ એન્ડ ગ્રેઈન એસોસિયેશનનાં પ્રમુખ પ્રવીણ ડોંગરે જણાવ્યું હતું કે ખરીફ સિઝનમાં સરેરાશ કઠોળનું ઉત્પાદન ૧૦ લાખ ટન ઘટ્યું હોવાનો અંદાજ છે અને રવિ સિઝનમાં પણ વાવેતર ઘટ્યું છે. પરિણામે તમામ કઠોળનાં ભાવ વધ્યાં છે. ૨૦૧૫નાં વર્ષમાં પણ ચણાનાં ભાવમાં ૧૦થી ૧૫ ટકાનો વધારો થાય તેવી ધારણાં છે. જ્યારે વટાણા, તુવેર અને અડદ સહિતનાં અન્ય કઠોળમાં પાંચથી ૧૦ ટકાનો વધારો જોવા મળી શકે છે.

રવિ સિઝનમાં મુખ્ય કઠોળ પાક એવા ચણાનાં ભાવમાં તાજેતરમાં ઝડપી તેજી જોવા મળી છે. છેલ્લા ત્રણ મહિનામાં ભાવ ૨૬ ટકા વધીને રૃા.૩૫૦૦ની નજીક વાયદામાં પહોંચ્યાં છે. પ્રવીણ ડોંગરેનું કહેવું છેકે ખેડૂતોને ચણાનાં ભાવ પૂરતા મળતા ન હોવાથી તેઓ અન્ય પાક તરફ વળી રહ્યાં છે. ચણાનાં ટેકાનાં ભાવ રૃા.૩૧૭૫ છે અને તેની ઉત્પાદન પડતર જ રૃા.૨૯૫૦ થાય છે. ખેડૂતોને આટલા ભાવ પણ મળતા નથી.

તેમણે કહ્યું કે અમે સરકારને રજૂઆત કરી છેકે સરકાર દ્વારા પીડીએસ (પબ્લીક ડિસ્ટ્રીબ્યુશન સ્કીમ) માટે ચણા સહિતની કઠોળની ખરીદી કરવામાં આવે અને ટેકાનાં ભાવની સિસ્ટમ મારફતે બફર સ્ટોક પણ અનાજની જેમ ઊભો કરવામાં આવે તે જરૃરી છે.

ઉલ્લેખનીય છેકે દેશમાં ચાલુ વર્ષે ૨૬મી ડિસેમ્બર સુધીમાં કઠોળનું વાવેતર ૧૨૪ લાખ હેકટરમાં થયું છે, જે ગત વર્ષે ૧૩૫ લાખ હેકટરમાં થયું હતું. ચણાનું વાવેતર પણ ૯૧ લાખ હેકટરથી ઘટીને ૭૭.૮૧ લાખ હેકટરમાં થયું છે. ચણાનું ઉત્પાદન સરેરાશ ચાલુ વર્ષે ૧૫થી ૨૦ ટકા ઘટે તેવો અંદાજ છે.

ચીનમાં મગનું ઉત્પાદન ૨૦ ટકા ઘટવાનો અંદાજ

વિશ્વમાં ભારતને કઠોળ પુરૃ પાડવામાં પાંચમા સ્થાને રહેતા ચીનમાં પણ કેટલાક કઠોળનાં ઉત્પાદનમાં ચાલુ વર્ષે ઘટાડો થાય તેવી ધારણાં છે. ચીનમાં મગનું ઉત્પાદન ચાલુ વર્ષે ૨૦ ટકા ઘટીને ૬ લાખ ટન થાય તેવી ધારણાં છે. ચીનમાં રાજમાનું ઉત્પાદન વધવાને કારણે કુલ કઠોળનું ઉત્પાદન પાંચ ટકા વધીને ૪૨ લાખ ટન થાય તેવી ધારણાં છે.

ભારત કેનેડા, બર્મા, અમેરિકા અને ઓસ્ટ્રેલિયા બાદ સૌથી વધુ કઠોળની આયાત ચીનથી કરે છે. નાણાકીય વર્ષ ૨૦૧૩-૧૪માં ભારતે ચીનથી કુલ ૧.૯ લાખ ટન કઠોળની આયાત કરી હતી, જે ચાલુ વર્ષે એપ્રિલથી સપ્ટેમ્બર મહિના સુધીમાં ૯૫ હજાર ટનની આયાત કરી છે.
(Date 27 dec.2014)

Jeera Export price may rise more 30%

જીરૂમાં વધુ તેજીની ધારણાં - નિકાસ ભાવો ૩૦ ટકા વધવાની ધારણાં

-સિરીયા અને તુર્કીમાં પાક ઓછો હોવાથી જીરૃની ચાલુ વર્ષે ૧.૨૫ લાખ ટનની નિકાસનો અંદાજ

 

જીરૃમાં છેલ્લા બે મહિનામાં ૩૫થી ૪૦ ટકાની તેજી જોવા મળ્યાં બાદ ભાવ આગામી દિવસોમાં વધુ ૩૦ ટકા વધે તેવી ધારણાં છે.વૈશ્વિક બજારમાં જીરૃનો પાક ઓછો હોવાથી ભારતીય જીરૃની માંગ વધી હોવાથી સરેરાશ જીરૃનાં ભાવમાં તેજી જોવા મળશે.

મુંબઈનાં જીરૃનાં ટોચનાં નિકાસકારોનું કહેવું છેકે વિશ્વ બજારમાં ભારતનાં હરિફ એવા તુર્કિ અને સિરીયામાં રાજકીય અનિશ્ચિતતા અને તોફાનોને કારણે પાક ઓછો છે. તુર્કિ જેવા દેશમાં ચાલુ વર્ષે માત્ર ૧૦ હજાર ટનનો જ પાક થાય તેવી ધારણાં છે. પરિણામે ભારતીય જીરૃની માંગ વધી છે. વળી વિશ્વ બજારમાં અત્યારે ભારતીય જીરૃ જ સસ્તુ મળી રહ્યું છે, જેને કારણે તેનાં ભાવ ઊંચકાશે.

આ નિકાસકારે કહ્યું કે ભારતીય જીરૃનાં અત્યારે સરેરાશ ૨૨૦૦થી ૨૩૦૦ ડોલર પ્રતિ ટનનાં ભાવ ચાલી રહ્યાં છે, જે આગામી દિવસોમાં વધીને ૨૯૦૦થી ૩૦૦૦ ડોલરની સપાટીએ પહોંચી શકે છે. જે ભાવ છેલ્લે ૨૦૧૦નાં વર્ષમાં જોવા મળ્યાં હતાં. તુર્કીનાં જીરૃનાં અત્યારે ૩૧૦૦ ડોલર અને સિરીયાનાં ૨૯૦૦ ડોલરનાં ભાવ ચાલે છે. જેની સામે ભારતીય જીરૃ સસ્તું છે.

દેશમાંથી ભારતીય સ્પાઈસીસ બોર્ડનાં સત્તાવાર આંકડાઓ પ્રમાણે એપ્રિલથી સપ્ટેમ્બર-૨૦૧૪ દરમિયાન જીરૃની નિકાસ ૮૭,૫૦૦ ટનની  થઈ છે, જે ગત વર્ષે ૭૦૨૪૩ ટનની થઈ હતી. આમ સત્તાવાર નિકાસ ૨૫ ટકા વધી છે. સ્પાઈસીસ બોર્ડે ચાલુવર્ષ માટે એક લાખ ટનનો નિકાસ લક્ષ્યાંક રાખ્યો છે, પરંતુ તે લક્ષ્યાંક નવેમ્બર અંત સુધીમાં જ પૂરો થઈ ચૂક્યો હોવાની ધારણાં છે. માર્ચ સુધીમાં કુલ નિકાસ ૧.૨૫ લાખ ટનની સપાટીએ પહોંચે તેવી ધારણાં મુકાય રહી છે. જે એક રેકર્ડબ્રેક નિકાસ થશે.

જીરૃનાં પાક વિશે નિકાસકારોનો એવો મત છેકે છેલ્લા ત્રણેક વર્ષમાં  ખેડૂતોને પૂરતા ભાવ ન મળ્યાં હોવાથી ચાલુ વર્ષે વાવેતર ઓછું કર્યું છે, પરંતુ ૨૦૧૬ની સિઝનમાં જીરૃનું વાવેતર ફરી વધશે અને ઉત્પાદન મોટું થાય તેવી ધારણાં છે. પરિણામે જીરૃ ૨૦૧૫માં ઐતિહાસિક સપાટીએ પહોંચીને ફરી ઘટે તેવી ધારણાં છે.
(Date 27 dec.2014)

Jeera price Touch Two year high touch Rs.15,000

જીરૂમાં બે વર્ષનાં ઊંચા ભાવ - વાયદો રૂા.૧૫૦૦૦ને પાર

 

બે મહિનામાં રૃા.૪૦૦૦નાં ઉછાળા બાદ હવે ભાવ ઓલટાઈમ હાઈ રૃા.૧૭૫૦૦ થવાની ચર્ચાં

જીરૃમાં નોન સ્ટોપ તેજી જોવા મળી રહી છે. જીરૃ જાન્યુઆરી વાયદામાં આજે રૃા.૧૫,૦૦૦ની જાદુઈ સપાટી જોવા મળી હતી અને ભાવ બે વર્ષની ઊંચી સપાટીએ પહોંચી ગયાં હતાં. બજારનાં જાણકારોનું કહેવું છેકે વાયદામાં ભાવ હજુ પણ ઊંચે ચડે તેવી ધારણાં છે.

જીરૃ વાયદામાં છેલ્લા એક મહિનામાં ૨૪ ટકાનો ઉછાળો આવ્યો છે. જીરૃ જાન્યુઆરી વાયદામાં આજે ચાર ટકાની સર્કિટ લાગી હતી અને ભાવ રૃા.૪૬૫ વધીને રૃા.૧૫૦૦૦ની સપાટી પર બંધ રહ્યાં હતાં. ઇન્ટ્રા ડે રૃા.૧૫૧૧૫નાં ભાવ જોવાયાં હતાં. છેલ્લા બે મહિનામાં ભાવ રૃા.૪૦૦૦ વધી ગયાં છે.

કોટક કોમોડિટીનાં ડેપ્યુટી વાઈસ પ્રેસિડેન્ટ ધર્મેશ ભાટીયાનું કહેવું છે કે જીરૃમાં ટેકનિકલી હવે ભાવ વધીને રૃા.૧૫,૫૦૦ સુધી પહોંચે તેવી સંભાવનાં દેખાય રહી છે. રોકાણકારોએ સ્ટોપલોસ રૃા.૧૩૨૦૦નો ધ્યાનમાં રાખવો. આ સપાટી પાર થયા બાદ વધુ તેજી જોવા મળે તેવી ધારણાં છે.

મુંબઈનાં એક અગ્રણી નિકાસકારનું કહેવું છેકે ચાલુ વર્ષે ગુજરાતમાં જીરૃનું ઉત્પાદન ૬૦ ટકા અને રાજસ્થાનમાં ૨૦ ટકા ઉત્પાદન ઘટે તેવી ધારણાં છે. જીરૃની સ્થાનિક અને નિકાસ માંગ સારી છે અને પૂરવઠો ઓછો છે. વળી નવી સિઝન લેઈટ હોવાથી જૂનો સ્ટોક પિવાય જશે.  આવી સ્થિતિમાં જીરૃનાં ભાવવધીને રૃા.૧૬,૦૦૦ની સપાટીએ પહોંચી શકે છે.

ટ્રેડર વર્તુળમાં જીરૃ વિશે એવી પણ ચર્ચા સંભળાય છેકે જીરૃનાં ભાવ ચાલુ વર્ષે ફરી એક વાર ઓલટાઈમ હાઈ થાય તેવી સંભાવનાં છે. ચાલુ વર્ષે તો ફંડામેન્ટલ પણ મજબૂત છે. જીરૃ વાયદામાં છેલ્લે માર્ચ ૨૦૧૧માં રૃા.૧૭૫૨૦ની ઓલટાઈમ ઊંચી સપાટી જોવા મળી હતી.

(Date-26 Dec.2014)

All india Ravi Sowing 26 Dec.2014

દેશમાં  રવી પાકોનું વાવેતર ૨૭ લાખ હેકટરમાં ઘટ્યું

ચણાનું વાવેતર ગત વર્ષની તુલનાએ ૧૪ ટકા ઘટ્યું

દેશમાં રવિ વાવેતર વિસ્તારમાં ગત વર્ષની તુલનાએ ૨૭ લાખ હેકટરનો ઘટાડો નોંધાયો છે. તાજેતરમાં ઠંડીનું પ્રમાણ વધી રહ્યું હોવાથી પાકને ફાયદો થયો છે.

કેન્દ્રીય કૃષિ ખાતાનાં આંકડાઓ પ્રમાણે ૨૬મી ડિસેમ્બર સુધીમાં દેસમાં કુલ ૫૩૦.૨૨ લાખ હેકટરમાં વાવેતર થયું છે, જે ગત વર્ષે ૫૫૭.૮૫ લાખ હેકટરમાં નોંધાયું હતું. ચણાનાં વાવેતરમાં ગત વર્ષની તુલનાએ ૧૪ ટકાનો ઘટાડો જોવા મળ્યો છે. ગુજરાત અને રાજસ્થાનમાં  ચણાનું વાવેતર કુલ વાવેતર ગત વર્ષની તુલનાએ ૧૨ લાખ હેકટરમાં ઘટ્યું છે.

દેશમાં તેલીબિયાં પાકોનું વાવેતર ગત વર્ષની તુલનાએ પાંચ લાખ હેકટરમાં ઘટ્યું છે. ખાસ કરીને ગુજરાતમાં વાવેતર વિસ્તારમાં ૩૦ ટકાથી વધુનો ઘટાડો થયો હોવાથી કુલ વાવેતર વિસ્તારમાં ઘટાડો નોંધાયો છે.

દેશમાં રવિ પાકનાં વાવેતરની સ્થિતિ

 પાકનું નામ     ચાલુ વર્ષે   ગત વર્ષે

રાયડો             ૬૩.૮૧    ૬૭.૦૧

મગફળી         ૩.૩૧      ૩.૪૮

સૂર્યમુખી         ૨.૩૫      ૩.૨૮

તલ               ૦.૫૫      ૦.૪૪

અળસી          ૨.૭૯      ૨.૭૧

તેલીબિયાં       ૭૪.૦૫    ૭૯.૦૨

ઘઉં               ૨૭૯.૬૦ ૨૮૬.૯૦

ધાન્ય પાક       ૫૦.૧૨    ૫૪.૯૯

ચણા              ૭૭.૮૧    ૯૦.૬૬

કઠોળ             ૧૨૪.૧૬ ૧૩૪.૭૨

કુલ વાવેતર     ૫૩૦.૨૨ ૫૫૭.૮૫

(આંકડાઓ લાખ હેકટરમાં ૨૬ ડિસે. સુધીનાં)

(date 26 dec.2014
http://www.seaofindia.com/cdn/gallery/8/4a39084c4bd1f7e834f5f9ff5fbc19ae.pdf

Onion price down 25% in last 5 days

ડુંગળીમાં તેજીનો યુ-ટર્ન- પાંચ દિવસમાં ૨૫ ટકાનો ઘટાડો

મહારાષ્ટ્ર અને ગુજરાતમાં નવી ડુંગળીની આવકો વધતા ભાવ તુટ્યાં

ડુંગળીમાં ડિસેમ્બર મહિનાની શરૃઆતથી શરૃ થયેલી તેજી મહિનો પૂરા થતા જ ઓસરી ગઈ છે. છેલ્લા પાંચ દિવસમાં દેશમાં ડુંગળીનાં મોટા ભાગનાં સેન્ટરમાં ભાવ ૨૫ ટકા ઘટી ગયાં છે. વેપારીઓ કહે છેકે ડુંગળીની આવકોમાં વધારો થવાને પગલે ભાવ ઝડપથી ઘટ્યાં છે, પરંતુ મોટી મંદી થાય તેવી શક્યતા ઓછી છે.

એશિયાની સૌથી મોટી મંડી લાસણગાંવમાં ડુંગળીનાં ભાવ ૧૯મી ડિસેમ્બરે સરેરાશ પ્રતિ કિવન્ટલ રૃા.૧૭૮૦નાં ભાવ હતા, જે આજે ઘટીને રૃા.૧૨૭૫ની સપાટીએ પહોંચી ગયાં છે. આવકો પણ આ સમયગાળામાં ૧૧ હજાર ક્વિન્ટલથી વધીને ૨૨ હજાર ક્વિન્ટલની થઈ ગઈ છે. આમ તેમાં ૨૮ ટકાનો ઘટાડો થયો છે.

ગુજરાતમાં મહુવામાં ડુંગળીનાં ભાવ હજુ ત્રણ ચાર દિવસ પહેલા જ ૨૦ કિલોનાં રૃા.૪૦૦ની ઉપર હતા, જે આજે ઘટીને રૃા.૩૦૦થી રૃા.૩૨૦ની સપાટીએ પહોંચી ગયાં છે. મહુવામાં પણ ડુંગળીની આવકો વધીને હાલ ૩૦થી ૩૫ હજાર ગુણીએ પહોચી છે.

નાશીક અને ગોંડલનાં ડુંગળીનાં એક વેપારીએ જણાવ્યું છે કે તાજેતરમાં પ્રતિકૂળ હવામાન અને યાર્ડમાં રજાને કારણે ભાવ ઝડપથી વધ્યાં હતાં, પરંતુ હવે છેલ્લા ચાર દિવસથી બજારો રેગ્યુલર ખુલતા અને આવકોમાં વધારો થયો હોવાથી ભાવ ઝડપથી ઘટયાં છે. સરેરાશ મોટી મંદી નથી. આગળ ઉપર ડુંગળીમાં ભાવ ધીમી ગતિએ વધતા રહે તેવી સંભાવનાં છે.

ડુંગળીની નિકાસ છ માસમાં ૧૯ ટકા ઘટી

દેશમાંથી ડુંગળીની નિકાસમાં ચાલુ વર્ષે એપ્રિલથી સપ્ટેમ્બર મહિના દરમિયાન ૧૯.૨ ટકાનો ઘટાડો જોવા મળ્યો છે. નાફેડનાં આંકડાઓ પ્રમાણે આ સમયગાળામાં કુલ ૫.૮૯ લાખ ટન ડુંગળીની નિકાસ થઈ છે, જે ગત વર્ષે ૭.૨૯ લાખ ટન થઈ હતી.

ડુંગળીની નિકાસમાં ઘટાડા અંગે નાફેડનાં ડિરેકટર નાના સાહેપ પાટીલે જણાવ્યું હતું કે કેન્દ્ર સરકારની પોલિસી એવી છે કે દેશમાં ડુંગળનાં ભાવ સ્થિર રહે, જેને કારણે નિકાસમાં ઘટાડો થયો છે. બીજી તરફ દેશમાંથી ડુંગળીનાં લઘુત્તમ નિકાસ ભાવ પણ ઓછા છે, જેને કારણે પણ નિકાસમાં ઘટાડો થઈ રહ્યો છે.

નિકાસકારોનું કહેવું છે છે કે ભારતની ક્વોલિટી સારી છે, પરંતુ ઊંચા ભાવને કારણે વૈશ્વિક હરિફાઈમાં ટકી શકતા નથી. પાકિસ્તાન અને ચીન સસ્તા ભાવથી નિકાસ કરે છે. પાકિસ્તાન દુબઈમાં ટેક્સ સાથે રૃા.૧૫ પ્રતિ કિલોનાં ભાવથી નિકાસ કરે છે, જ્યારે ભારતમાં જથ્થાબંધની પડતર જ રૃા.૧૫ છે. વળી આરટીઓ વાળા ટ્રકમાં પમ ૧૦ ટનથી વધુ ડુંગળી ભરવા દેતા નથી.

(Date 26 Dec.2014)

Turmeric price Rise 42% in last 3 Month and now may be touch Rs.10,000 next few days

હળદરમાં તેજીઃ વાયદાની રૂા.૧૦,૦૦૦ થવા તરફ આગેકૂચ

-હળદર વાયદામાં છેલ્લા ત્રણ મહિનામાં ૪૨ ટકાનો જંગી ઉછાળો

.

એગ્રી કોમોડિટીમાં તેજીની રેસમાં ટૂંકાગાળા માટે જીરૃ ટોચ પર છે, પરંતુ છેલ્લા ત્રણ મહિનાની વાત કરીએ હળદરે રોકાણકારોને માલા-માલ કરી દીધા છે. હળદર વાયદામાં છેલ્લા ત્રણ મહિનામાં ૪૨ ટકાનો જંગી ઉછાળો આવ્યો છે અને  વાયદો હવે રૃા.૧૦,૦૦૦ની સપાટી તરફ આગળ વધવા માટે મથામળ કરી રહ્યો છે.

હળદર વાયદામાં સપ્ટેમ્બર મહિનામાં રૃા.૬૦૦૦ની અંદર સપાટી જોવા મળી હતી, જે ચાલુ સપ્તાહમાં ૨૪ ડિસેમ્બરે વધીને રૃા.૮૫૮૨ની સપાટી પર બંધ રહ્યો હતો. આમ ત્રણ મહિનામાં ૪૨ ટકાનો ઉછાળો આવ્યો છે.

મુંબઈનાં બ્રોકરેજ હાઉસ કેડિયા કોમોડિટી દ્વારા તૈયાર કરવામાં આવેલા અહેવાલ પ્રમાણે હળદરમાં તેજીની ગાડી હજુ પણ આગળ વધે તેવી સંભાવનાં છે અને ભાવ રૃા.૧૦,૦૦૦ની સપાટી નજીક પહોંચે તેવી ધારણાં છે. હળદરમાં ૨૦૧૦નું રિપીટેશન ૨૦૧૫માં જોવા મળે તેવી પણ શક્યતા ભાવની પેટર્ન ઉપરથી જોવા મળી રહી છે. હળદરમાં ૨૦૧૦નાં વર્ષમાં ભાવ રૃા.૭૦૦૦થી વધીને રૃા.૧૫૦૦૦ થયાં હતાં.  ૨૦૦૯માં હળદરનાં ભાવ રૃા.૪૦૦૦ની અંદર હતાં. એ જ હળદર ૨૦૧૦ની રૃા.૧૫,૦૦થી ટોચેથી ગગડીને એપ્રિલ ૨૦૧૨માં રૃા.૩૫૦૦ની સપાટીએ પહોંચી હતી.

કેડિયા કોમોડિટીનાં મેનેજિંગ ડિરેકટર અજય કેડિયાનું કહેવું છેકે દેશમાં ચાલુ વર્ષ હળદરનું ઉત્પાદન ૩૫થી ૩૭ લાખ ગુણી થાય તેવો અંદાજ છે, જે ગતવર્ષએ ૫૨ લાખ ગુણીનું થયું હતું. આંધ્ર પ્રદેશ અને તામિલનાડુમાં  ઉત્પાદન ઓછું થવાને કારણે કુલ ઉત્પાદન ઘટશે. નિઝામાબાદ અને વારંગલ જેવા મુખ્ય સેન્ટરમાં ઉત્પાદન ૨૨ લાખ ગુણીથી ઘટીને ૧૭  લાખ ગુણી થાય તેવો અંદાજ છે. કર્ણાટકનો પાક ૭ લાખ ગુણીથી ઘટીને ૫ લાખ ગુણી થવાનો અંદાજ છે.

ટેકનિકલી જોઈએ તો હળદર એપ્રિલ વાયદામાં રૃા.૮૦૦૦ની સપાટી પાર થયા બાદ નોન સ્ટોપ તેજી જોવા મળી રહી છે. રોકાણકારોએ રૃા.૮૦૦૦થી રૃા.૮૨૦૦નાં લેવલ ઉપર  ખરીદી કરવી અને રૃા.૭૪૦૦નો સ્ટોપલોસ  રાખીને રૃા.૮૮૦૦નો પહેલો લક્ષ્યાંક ધ્યાનમાં રાખવો. આ ટાર્ગેટ હાંસલ થયા બાદ ભાવ વધીને રૃા.૯૩૫૦ અને રૃા.૯૯૦૦ની સપાટીએ પહોંચી શકે છે.

દેશમાંથી હળદરની નિકાસ પણ વધી રહી છે. સ્પાઈસ બોર્ડે ચાલુ વર્ષે હળદરની નિકાસનો કુલ ૮૦ હજાર ટનનો લક્ષ્યાંક રાખ્યો છે, જેની સામે એપ્રિલથી સપ્ટેમ્બર સુધીમાં સત્તાવાર આંકડાઓ પ્રમાણે નિકાસ ૧૦ ટકા વધીને ૪૩ હજાર ટનની થઈ ચૂકી છે.

હળદર વાયદો રૃા.૧૦,૫૦૦ થશે - કોટક કોમોડિટી

કોટક કોમોડિટીનાં ડેપ્યુટી વાઈસ પ્રેસિડેન્ટ ધર્મેશ ભાટીયાએ જણાવ્યું હતું કે હળદર વાયદામાં આગામી દિવસોમાં વધુ તેજી જોવા મળશે. એપ્રિલ વાયદામાં નીચામાં રૃા.૭૮૦૦નાં લેવલ સુધી ખરીદી કરો અને રૃા.૭૩૦૦નાં સ્ટોપલો સાથે રૃા.૯૫૦૦નો પહેલો લક્ષ્યાંક છે અને ત્યાર બાદ ભાવ વધીને રૃા.૧૦,૫૦૦ સુધી પહોંચે તેવી ધારણાં છે.ચાર્ટમાં ટેકનિકલી સિમેટ્રીકલ ટ્રાયએંગલ જોવા મળી રહ્યો છે, જે પ્રમાણે વાયદામાં એકધારી તેજી જોવા મળશે.

Turmeric last 6 years price movement