HPS Groundnut Export deal cancel with Rusia

રશિયાની કટોકટીથી એચપીએસ સિંગદાણાનાં ૩ હજાર ટનનાં સોદા રદ

-બે હજાર ટનનાં સોદામાં પેમેન્ટ ડીલે અથવા ભાવ કાપ અંગે વાટાઘાટો ચાલુ

રશિયન ઈકોનોમીની કટોકટીની અસર સૌરાષ્ટ્રનાં એચપીએસ સિંગદાણાને પણ નડી રહી છે. રશિયાની કરન્સી રૃબલની વેલ્યૂમાં મોટો ઘટાડો અને નાણાકીય કટોકટીને પગલે સિંગદાણાનાં આશરે ૩ હજાર ટનનાં નિકાસ સોદા રદ થયા હોવાનું નિકાસકારોએ જણાવ્યું હતું.

મુંબઈનાં એક અગ્રણી નિકાસકારે જણાવ્યું હતું કે રશિયામાં કુલ ૫ હજાર ટનનાં સિંગદાણાનાં નિકાસ સોદા થયાં હતાં, જેમાંથી ૩ હજાર ટનનાં સોદા તો રદ થઈ ચૂક્યાં છે. જ્યારે બાકીનાં સોદામાં આયાતકારો એવી માંગ કરે છેકે કાં તમે ઓર્ડર રદ કરો અથવા તો બીજા દેશોમાં ડાઈવર્ટ થાય તેમ હોય તો ડાઈવર્ટ કરો. માલ પરત લઈ જઈ શકાય હોય તે પરત લઈ જાવ અથવા તો પેમેન્ટ ડીલે મળે તે માટેની તૈયારી સાથે નિકાસ કરો. રશિયન બાયરો અત્યારે પેમેન્ટ માટે ૧૫થી ૨૫ દિવસનો સમયગાળો માંગી રહ્યાં છે. કેટલાક બાયરો બીજા દેશોમાંથી ડોલરની વ્યવસ્થા કરી રહ્યાં છે. પરંતુ સરવાળે નવા નિકાસ વેપારો  રશિયા સાથેનાં બંધ થઈ ગયાં છે.

રશિયાની કરન્સી રૃબલ જુલાઈ મહિનામાં ડોલર સામે ૩૮ હતી, જે તાજેતરમાં ઘટીને ૭૦ની સપાટીએ પહોંચી ગઈ હતી. આમ તેની કરન્સીની વેલ્યૂમાં ૫૦ ટકા જેટલો ઘટાડો  થવાથી ત્યાં નાણાકીય કટોકટી ઊભી થઈ છે. રશિયાએ ૧૫મી ડિસેમ્બરે વ્યાજદર ૧૦.૫ ટકાથી વધારીને ૧૭ ટકા કરતાં કરન્સી વધુ નબળી પડી હતી અને એ દિવસે એક જ દિવસમાં ડોલર સામે ૧૩.૫ ટકા રૃબલ તુટી ગયો હતો. આમ ૧૫ ડિસેમ્બર બાદ સ્થિતિ વધુ વણસી છે.

ભારતમાં કુલ એચપીએસ સિંગદાણાની નિકાસમાં રશિયાનો હિસ્સો  બે ટકા છે, પરંતુ વર્તમાન સમયમાં તેની મોટી અસર થઈ શકે છે. અપેડાનાં આંકડાઓ પ્રમાણે ગત નાણાકીય વર્ષમાં દેશમાંથી કુલ ૫.૦૯ લાખ સિંગદાણાની નિકાસ થઈ હતી, જેમાંથી રશિયા ખાતે ૯૪૩૮ ટનની નિકાસ થઈ હતી. ચાલુ વર્ષનાં સત્તાવાર એપ્રિલથી સપ્ટેમ્બર દરમિયાન ૨.૬૧ લાખ ટનની કુલ નિકાસમાંથી રશિયામાં ૬૩૮૮ ટનની નિકાસ થઈ છે.

Bhavnagar Steel Re-Roling mill close due to Real estate recession

ભાવનગરનાં સ્ટીલ રિ-રોલિંગ મિલો ઉદ્યોગમાં મંદી ઃ ૭૦ ટકા ઉત્પાદન બંધ

-સરકારી પ્રોજેક્ટો બંધ અને રિયેલ એસ્ટેટની મંદીનું પરિણામ

રિયલ એસ્ટેટ સેકટરની મંદીની મોટી અસર સ્ટીલ મિલો ઉપર પણ જોવા મળી છે. ગુજરાતનાં એક માત્ર અલંગ આધારિત ભાવનગર જિલ્લાનાં સ્ટીલ રિ-રોલિંગ મિલ ઉદ્યોગ મંદીમાં ગરકાવ થઈ ગયો છે. સરકારી પ્રોજેક્ટનો અભાવ અને રિયલ એસ્ટેટની સરેરાશ મંદીની અસરથી આ વિસ્તારની ૭૦ ટકા મિલો અત્યારે બંધ પડી છે.

શિહોર રિ-રોલિંગ મિલ એસોસિયેશનનાં પ્રમુખ હરીશભાઈ પટેલે જણાવ્યું હતું કે ચાલુ વર્ષે સરકારી પ્રોજેક્ટોનાં કામ ખુલ્યાં જ નથી અને રિયલ એસ્ટેટ સેકટરમાં પણ મંદી ચાલી રહી છે. જેને કારણે આ વિસ્તારમાં ૧૨૮ મિલોમાંથી હાલ માત્ર ૪૫ મિલો જ કાર્યરત છે. દૈનિક ૩ હજાર ટન ઉત્પાદન સામે હાલ એક હજાર ટન સ્ટીલ  સળિયાનું જ ઉત્પાદન થાય છે.

તેમણે વધુમાં કહ્યું કે અલંગની શિપ આધારિત ઉદ્યોગ હાલ પડી ભાંગ્યો છે. પ્લેટનાં ભાવ પ્રતિ ટન રૃા.૨૭,૦૦૦ની સપાટી ચાલે છે અને ફિનીશ્ડ પ્રોડક્ટનાં ભાવ રૃા.૩૮,૦૦૦ પ્રતિ ટન છે. ગુજરાતની અન્ય ઓટોમેટિક મિલોમાં બનતા સ્ટીલ સળિયાની સરખામણીમાં રૃા.૩૦૦૦થી ૩૫૦૦ જેટલા સસ્તા હોવા છત્તા હાલ સરકારી પ્રોજેક્ટનાં અભાવે મંદી જોવા મળી રહી છે.

બીઆઈએસની માન્યતા મળે તો  ઉદ્યોગને મોટી રાહત થઈ શકે

હરીશભાઈએ વધુમાં કહ્યું કે કેન્દ્ર સરકારે પ્લેટમાંથી બનતા સળિયાને બીઆઈએસ આપવાની ના પાડી છે. છેલ્લા ચાર વર્ષથી આ ઈશ્યૂ ચાલે છે અને દર છ મહિને સરકાર મુદત લંબાવતી હતી, પરંતુ પહેલી ઓક્ટોબરથી હવે બીઆઈએસ વગરનાં સળિયા સરકારી પ્રોજેક્ટમાં વાપરવાની મનાઈ આવી છે. અમે રાજ્ય સરકાર મારફતે કેન્દ્રમાં રજૂઆત કરી રહ્યાં છે અને સફળતા મળે તેવી ધારણાં છે. અલંગની શિપમાંથી બનતી પ્લેટ દ્વારા બનતા સ્ટીલનાં સળિયા પણ બિલેટ કે ઈંગોટ દ્વારા બનતા સળિયા જેટલા જ મજબૂત હોય છે અને તેનાં કરતા સસ્તા પણ મળે છે, ત્યારે તેને પણ બીઆઈએસ પ્રમાણપત્ર મળે તે જરૃરી છે. કેન્દ્રીય સ્ટીલ મંત્રાલય આ અંગે તૈયાર થઈ ગયું છે, પરંતુ તેનું અમલીકરણ કરવામાં મોડું થઈ રહ્યું છે. જો બીઆઈએસની મંજૂરી નહીં મળે તો આ ઉદ્યોગ આગળ ઉપર વધુ ખતમ થઈ જશે.

ચીનનાં ડમ્પિંગની પણ મોટી અસર

ચીનમાંથી સસ્તા ભાવથી સ્ટીલની મોટા પાયે આયાત થઈ રહી હોવાથી પણ સ્થાનિક ઉત્પાદકોને મોટી અસર થઈ રહી છે. કેન્દ્ર સરકાર દ્વારા સ્ટીલની આયાત ઉપર આયાત ડ્યૂટી ન લગાવવામાં આવી રહી હોવાથી છેલ્લા છ-આઠ મહિનામાં મોટા પાયે ડમ્પિંગ થઈ રહ્યું છે. જેને કારણે સ્થાનિક સ્ટીલનાં વપરાશમાં મોટો ઘટાડો જોવા મળી રહ્યો છે. જો હજુ ત્રણથી છ મહિના સુધી સસ્તા સ્ટીલની આયાત ચાલુ રહે તો દેશનાં નાનાં સ્ટીલ ઉત્પાદકો બંધ થઈ જાય તેવી શક્યતા છે તેમ એક અગ્રણી સ્ટીલ ટ્રેડરે જણાવ્યું હતું.

India's 308 Solvent plant default on Monthly stock data

દેશનાં ૩૦૮ સોલવન્ટ પ્લાન્ટોને ખાદ્ય મંત્રાલયની નોટિશ

-ખાદ્ય મંત્રાલયનાં પરિપત્ર પ્રમાણે સ્ટોકનાં આંકડાઓ આપવામાં મિલો ડિફોલ્ટ

-ગુજરાતની ૨૬ મિલો અને મહારાષ્ટ્રની ૩૪ મિલોએ સ્ટોકનાં આંકડાઓ ન આપ્યાં

કેન્દ્ર સરકારે દેશની ૩૦૮ સોલવન્ટ પ્લાન્ટો-ખાદ્યતેલ પ્રોડક્ટ બનાવતી તેલ મિલો માસિક સ્ટોકનાં આંકડાઓમાં ડિફોલ્ટ જાહેર કરી છે. કેન્દ્રીય ખાદ્ય અને જાહેર વિતરણ વ્યવસ્થા વિભાગ દ્વારા આ તમામ નામો જાહેર કરવામાં આવ્યાં છે. આ મિલો ઉપર આગળ ઉપર આવશ્યક ચીજવસ્તુ ધારા હેઠળ પગલા લેવામાં આવે તેવી ધારણાં છે.

ખાદ્ય મંત્રાલયનાં આંકડાઓ પ્રમાણે ગુજરાતની ૨૬ તેલ મિલો અને મહારાષ્ટ્રની ૩૪ મિલોને પણ  સમાવેશ થાય છે. સરકારે ૨૬મી નવેમ્બરે એક નોટિશ મારફતે દેશની તમામ ખાદ્યતેલ પ્રોડક્ટ બનાવતી મિલો, સોલવન્ટ એક્સટ્રેકટેડ ઓઈલ, ડિ-ઓઈલ મિલ અને ખાદ્યતેલ ફ્લોર બનાવતા ઉત્પાદકોને તેનાં ઉત્પાદન,વેચાણ, આયાત અને નિકાસ તેમજ કાચા માલની ખરીદી સહિતની તમામ વિગતો દર મહિનાની ૭મી તારીખ સુધીમાં ઓનલાઈન આપવાની હતી. પરંતુ આવી ૩૦૮ મિલોએ આ પ્રકારની વિગતો જાહેર કરી નથી.

ખાદ્ય મંત્રાલય દ્વારા જાહેર કરવામાં આવેલી વિગતો પ્રમાણે દેશનાં ટોચનાં ઉત્પાદકો પણ આ પ્રકારની વિગતો આપી ન હોવાથી ડિફોલ્ટરનાં લિસ્ટમાં સામેલ છે. ગુજરાત-મહારાષ્ટ્ર ઉપરાંત પંજાબ, હરિયાણા, રાજસ્થાન, મધ્યપ્રદેશ, કર્ણાટક, પશ્ચિમ બંગાળ, બિહાર, કેરલ, તામિલનાડુ અને આંધ્ર પ્રદેશની મિલોનો પણ સમાવેશ થાય છે.

ગુજરાતની ડિફોલ્ટ જાહેર થયેલી મિલો

કારગિલ ઈન્ડિયા, રૃચી સોયા ઈન્ડ.,ગુજરાત અંબુજા એક્સપોર્ટ, બુંગે ઈન્ડિયા, મોરવી વેજીટેબલ, અશ્વીન વનસ્પતિ ઈન્ડ., ગોકુલ રિફોઈલ્સ, જગદીશ એક્સપોર્ટ, વિતરાગ એક્સપોર્ટ ઈન્ડ., આકાશ એગ્રો ઈન્ડ., સંજય ઓઈલકેક ઈન્ડ., એસ.કે. ઈન્ડસ્ટ્રીઝ, મૌજી હરીભાઈ ઓઈલકેક, ખેડૂત સોલવન્ટ, રાજેશ ઓઈલ ઈન્ડ.,ગોકુલ રિફોઈલ્સ-પાટણ, અદાણી વિલ્મર, આકાશ એગ્રો, નેશનલ પ્રોટીન એન્ડ સોલવન્ટ, શ્રી અંબીકા ઓઈલ કેક, વિમલ ઓઈલ, જગદીશ ઓઈલ કેક, ગુજારર ફુડ પ્રોડક્શન, ઠક્કર હિતેશ ચંદુલાલ, કેજીએન એન્ટ., આકાશ એગ્રો ઈન્ડસ્ટ્રીઝ,

મહારાષ્ટ્રની ડિફોલ્ટ જાહેર થયેલી મિલો

કારગીલ ઈન્ડિયા, પ્રણવ એગ્રો ઈન્ડ., ફ્રીગોરીપીકો અલાના, પુના દાલ એન્ડ ઓઈલ, કામાણી ઓઈલ, રાજારામ સોલવેક્સ, ગુજરાત અંબુજા એક્સપોર્ટ, શિવ શક્તિ એક્સટ્રેક્શન્સ, સાઈ સિનારાન ફુડ્સ, ઘોડાવત ફુડ્સ, ડીવાઈનફુડ્સ ઈન્દ્રા, મથુરા એક્સ., મુરલી ઈન્ડ. ડીસાન એગ્રોટેક, કૈસાર ઓઈલ્સ, દીયોધારી, કિર્તી એગ્રોટેક, કિર્તી ફુડ્સ, કિર્તી દાલ મિલ, કિર્તી એગ્રોવેટ, કિર્તી સોલવેક્સ, શ્યામકલા એગ્રો, રૃચી સોયા, રામદેવબાબા, રસોયા પ્રોટીન, તાનીયા ઈન્ડ., કપીલ સોલવેક્સ, ભારતી એક્સ., શિવપાર્વતી પોલ્ટ્રી, ઓમશ્રી, ઉમરેડ એગ્રો.

Pr-Expiry Margin on Coriander and Castarseed

ધાણા-એરંડામાં સટ્ટાકીય તેજી-મંદી રોકવા પ્રિ-એક્સપાયરી માર્જિન લદાયું

એક્સપાયરીનાં ૨૫ દિવસ પહેલાથી તબક્કાવાર માર્જિન પાંચ ટકાથી વધીને ૯૦ ટકા સુધી વધશે ઃ ધાણામાં વધારાનું ૧૦ ટકા માર્જિન લદાયું

ધાણા અને એરંડા વાયદામાં સટ્ટાકીય તેજી-મંદીને રોકવા માટે એક્સચેન્જે પ્રિ-એક્સપાયરી માર્જિન લાદવાની જાહેરાત કરી છે. કોઈપણ વાયદામાં આ પ્રકારનું પ્રિ-એક્સપાયરી માર્જિન પ્રથમવાર લાદવામાં આવ્યું છે. વળી ફરજિયાત ડિલીવરીનો સમયગાળો પણ ૧૧ દિવસ વહેલો કરવામાં આવ્યો છે. આ ઉપરાંત ધાણાનાં જાન્યુઆરી વાયદામાં સોમવારથી લાગુ પડે એ રીતે વધારાનું ૧૦ ટકા માર્જિન પણ લદાયું છે.

ધાણા અને એરંડા માટે જાહેર કરવામાં આવેલા અલગ-અલગ પરિપત્ર પ્રમાણે જાન્યુઆરી મહિનાનાં વાયદાની એક્સપાયરીનાં સરેરાશ ડિલીવરી પિરીયડ ચાલુ થાય ત્યારથી તબક્કાવાર રેગ્યુલર માર્જિન ઉપરાંત તબક્કાવાર પ્રિ-એક્સપાયરી માર્જિન વધતું જશે. જેમાં ધાણામાં જાન્યુઆરી વાયદા માટે ૨૯મી ડિસેમ્બરથી ફરજિયાત ડિલીવરી ચાલુ થશે. એ પ્રમાણે ૨૬ ડિસેમ્બરે ૪.૭૫ ટકા, ૨૯મીએ ૯.૫૦ ટકા જે તબક્કાવાર વધીને ૯ જાન્યુઆરીએ ૫૨.૨૫ ટકા અને ૨૦ જાન્યુઆરીએ ૮૫ ટકા પ્રિ-એક્સપાયરી માર્જિન લાગુ પડશે.  આ માર્જિન ઉપરાંત જાન્યુઆરી મહિનાનાં વાયદા માટેે વધારાનું ૧૦ ટકાનું માર્જિન પણ લાગુ કરવામાં આવ્યું છે.

એરંડા વાયદામાં પ્રિ-એક્સપાયરી માર્જિન ૨૬ ડિસેમ્બરે પાંચ ટકા, ૩૧મી ડિસે. ૨૦ ટકા અને ૯ જાન્યુઆરીએ ૫૫ ટકા અને ૨૦ જાન્યુઆરીએ ૯૦ ટકા પ્રિ-એક્સપાયરી માર્જિન લાગુ પડશે. જેમાં કોઈ નવું વધારાનું માર્જિન લાદવામાં આવ્યું નથી.

ઉલ્લેખનીય છેકે એરંડા જાન્યુઆરી વાયદામાં ૩,૪૪,૬૧૦ ટનનાં ઊભા ઓળિયા છે અને ફેબ્રુઆરી સામેનો છેલ્લા બંધ પ્રમાણે રૃા.૨૩૮નો ઊંધો બદલો છે. જ્યારે ધાણા જાન્યુઆરી વાયદામાં ૨૭૧૩૦ ટનનાં ઊભા ઓળિયા છે અને એપ્રિલ સામેનો છેલ્લા બંધ ભાવ પ્રમાણે રૃા.૪૩૪૭નો ઊંધો બદલો છે.

Mentha oil price may be up

મેન્થા ઓઈલનું ઉત્પાદન ઘટતા અને નિકાસ માંગનાં ટેકે તેજીની ધારણાં

મેન્થાતેલનું ઉત્પાદન ચાલુ વર્ષે ૩૦ ટકા ઘટે તેવી ધારણાં

 

મેન્થા ઓઈલમાં ક્રિસમસ નજીક આવવાને કારણે નિકાસ માંગ વધતા અને ઉત્પાદનમાં ઘટાડો થવાની ધારણાએ તેજી જોવા મળે તેવી ધારણાં છે. મેન્થાઓઈલમાં નીચા ભાવને કારણે ચાલુ વર્ષે ફુદીનાનું વાવેતર ખેડૂતોએ ટાળ્યું હતું.

મેન્થા ડિસેમ્બર વાયદામાં ભાવ ૩ ડીસેમ્બરે રૃા.૬૯૩ હતા, જે આજે વધીને રૃા.૭૨૭ની ઊંચી સપાટીએ પહોંચ્યાં હતાં. કેડીયા કોમોડિટીનાં એમ.ડી. અજય કેડિયાનું કહેવું છેકે મેન્થા વાયદામાં હજુ પણ તેજી જોવા મળી શેક છે. વાયદમાં રૃા.૬૯૦-૬૯૬ની સપાટી પર ખરીદી કરો અને રૃા.૬૬૦નાં સ્ટોપલોસ સાથે રૃા.૭૮૦નો લક્ષ્યાંક ધ્યાનમાં રાખવો. આ લક્ષ્યાંક હાંસલ થયા બાદ આગળ ઉપર રૃા.૮૪૦નાં ભાવ જોવા મળી શકે છે.

યુ.પી.માં મેન્થા ઓઈલની મોટા ભાગની મંડીમાં આવકો અત્યારે ઓછી થઈ રહી છે. ચંદોસી અને સંભલમાં ૫૦ ડ્રમની આવક થાય છે, જ્યારે બારાબંકીમાં ૮૦ ડ્રમની આવક થાય છે. હાજર ભાવ સરેરાશરૃા.૭૭૦થી રૃા.૮૨૦ની રેન્જમાં અથડાઈ રહ્યાં છે. 

દેશમાં મેન્થાઓઈલનું ઉત્પાદન ચાલુ વર્ષે ૪૦ હજાર ટનનું થાય તેવો અંદાજ છે, જે ગત વર્ષે ૫૦ હજારથી ૫૫ હજાર ટનની વચ્ચે થયું હતું. ગત વર્ષે મેન્થામાં ભાવ અડધો અડધ ઘટી ગયાં હોવાથી દેશમાં ફુદીનાનું વાવેતર ઘટ્યું હતું. દેશમાંથી સરેરાશ ૨૫ હજાર ટનની મેન્થાઓઈલની નિકાસ થવાનો અંદાજ છે. ડિસેમ્બર-જાન્યુઆરી મહિનામાં સરેરાશ નિકાસ માંગ સારી રહે છે, જેને કારણે ભાવ ઊંચકાય શકે છે. ઉલ્લેખનીય છેકે મેન્થાતેલનાં ભાવ માર્ચ ૨૦૧૨માં રૃા.૨૫૬૪ અને ૨૦૧૩માં રૃા.૧૫૮૫ની ટોચે હતાં, જે હાલ ઘટીને રૃા.૭૩૦ની સપાટીએ પહોંચી ગયાં છે.

All india Ravi Sowing 19 December

દેશમાં રવિ વાવેતર વિસ્તારમાં ૨૯ લાખ હેકટરનો ઘટાડો

 ચણાનું વાવેતર ૧૬ ટકા ઘટ્યું  ઘઉંનાં વાવેતરમાં ધીમી ગતિએ વધારો

દેશમાં રવિ વાવેતર વિસ્તાર હવે અંતિમ તબક્કામાં ચાલી રહ્યું છે. છેલ્લા એક સપ્તાહમાં ઠંડીનું પ્રમાણ વધ્યું હોવાથી વાવેતર વિસ્તારમાં પણ વધારો નોંધાયો છે. તેમ છત્તા ગત વર્ષની તુલનાએ રવિ વાવેતર વિસ્તારમાં ૨૯ લાખ હેકટરનો ઘટાડો જોવા મળ્યો છે. છેલ્લા એક સપ્તાહમાં વાવેતર વિસ્તારમાં ૪૧ લાખ હેકટરનો વધારો થયો છે.

કેન્દ્રીય કૃષિ ખાતાનાં આંકડાઓ પ્રમાણે ૧૯મી ડિસેમ્બર સુધીમાં દેસમાં કુલ ૫૧૧.૧૩ લાખ હેકટરમાં વાવેતર થયું છે, જે ગત વર્ષે ૫૪૦.૦૫ લાખ હેકટરમાં નોંધાયું હતું. ચણાનાં વાવેતરમાં ગત વર્ષની તુલનાએ ૧૬ ટકાનો ઘટાડો જોવા મળ્યો છે.

દેશમાં ઘઉંનાં વાવેતર વિસ્તારમાં ધીમી ગતિએ વધારો થઈ રહ્યો છે. હવે ગત વર્ષની તુલનાએ વાવેતર વિસ્તારમાં માત્ર પાંચ લાખ હેકટરનો જ ઘટાડો નોંધાયો છે. જોકે ગત વર્ષની તુલનાએ સરેરાશ વાવેતર ઓછું જ થાય તેવી ધારણાં છે.

દેશમાં રવિ પાકનાં વાવેતરની સ્થિતિ

 પાકનું નામ     ચાલુ વર્ષે   ગત વર્ષે

રાયડો             ૬૨.૯૯    ૬૬.૫૫

મગફળી         ૩.૧૭      ૩.૩૦

સૂર્યમુખી         ૨.૩૨.     ૩.૨૪

તલ               ૦.૫૨.     ૦.૪૮

અળસી          ૨.૩૦      ૨.૪૪

તેલીબિયાં       ૭૨.૫૨    ૭૮.૦૫

ઘઉં               ૨૬૮.૨૬ ૨૭૩.૧૨

ધાન્ય પાક       ૪૮.૨૪    ૫૩.૮૮

ચણા              ૭૫.૧૫    ૮૯.૪૬

કઠોળ             ૧૧૯.૮૯ ૧૩૨.૭૯

કુલ વાવેતર     ૫૧૧.૧૩ ૫૪૦.૦૫

(આંકડાઓ લાખ હેકટરમાં ૧૯ ડિસે. સુધીનાં)

http://www.seaofindia.com/cdn/gallery/7/1e0f1a9eb45aae804999f9cd2b0d6cec.pdf

Guargum export Rise 38% and Hps Groundnut Export Rise 33%

દેશમાંથી સાત માસમાં ગવારગમની ૩૮ ટકા અને સિંગદાણાની ૩૩ ટકા નિકાસ વધી

એપ્રિલથી ઓક્ટોબરમાં ગવારગમની ૪.૬૧ લાખ ટનની નિકાસ થઈ

દેશમાંથી ચાલુ નાણાકીય વર્ષનાં પ્રથમ  સાત મહિનામાં ગવારગમ અને સિંગદાણાની નિકાસમાં મોટો વધારો જોવા મળ્યો છે. અપેડા દ્વારા જાહેર કરવામાં આવેલા આંકડાઓ પ્રમાણે ગવારગમની નિકાસ ૩૮ ટકા અને એચપીએસ સિંગદાણાની નિકાસમાં ૩૩ ટકાનો વધારો જોવા મળ્યો છે.

દેશમાંથી એપ્રિલથી ઓક્ટોબર મહિના દરમિયાન ગવારગમની કુલ ૪.૬૧ લાખ ટનની નિકાસ થઈ છે, જે ગત વર્ષે આજ સમયગાળામાં ૩.૩૩ લાખ ટનની નિકાસ થઈ હતી. નવેમ્બર મહિનામાં નિકાસનાં આંકડાઓ હજુ આવ્યાં નથી, પરંતુ સરેરાશ ગત વર્ષની તુલનાએ ઓછી નિકાસથાય તેવો અંદાજ છે. ગત વર્ષે નવેમ્બરમાં ૭૦ હજાર ટન ગવારગમની નિકાસ થઈ હતી.

એપ્રિલથી ઓક્ટોબર મહિના દરમિયાન એચપીએસ સિંગદાણાની નિકાસ કુલ ૨.૮૧ લાખ ટનની થઈ છે, જે ગત વર્ષે ૨.૧૧ લાખ ટનની થઈ હતી. આમ તેમાં ૩૩ ટકાનો વધારો જોવા મળ્યો છે. સિંગદાણાની નિકાસ નવેમ્બર અને ડિસેમ્બર મહિનામાં પણ ગત વર્ષની તુલનાએ વધે તેવી શક્યતા છે.